30 بروميت جاهز للنسخ

انت مدرس [المادة] خبرة في منهج [الصف/المرحلة] المصري، ترم [أول/تاني].
اكتبلي أسئلة على درس «[اسم الدرس]» متقسمة على 3 مستويات:

1. سهل (5 أسئلة): فهم مباشر وتعريفات، الطالب العادي يحلها من غير تفكير طويل.
2. متوسط (5 أسئلة): تطبيق على فكرة الدرس بشكل مختلف شوية عن أمثلة الكتاب.
3. صعب (3 أسئلة): ربط بين أكتر من فكرة، أو سؤال بفكرة جديدة من نوع أسئلة الطلاب المتفوقين.

الشروط:
- نوّع بين اختيار من متعدد وأسئلة مقالي قصيرة.
- كل سؤال يقيس فكرة واحدة واضحة.
- اكتب الإجابات النموذجية في آخر الرد لوحدها، ومع كل إجابة في المستوى الصعب سطر شرح.
- اعتمد على نص الدرس اللي تحت، وما تخرجش برّه المنهج.
- لو في معلومة مش متأكد منها، قولّي بدل ما تخمّن.

نص الدرس:
[الصق نص الدرس هنا، أو ارفع صورة أو PDF]

انت مدرس [المادة] لطلاب [الصف/المرحلة].
اعملّي كويز سريع مدته 10 دقايق على درس «[اسم الدرس]».

- 8 أسئلة اختيار من متعدد، كل سؤال 4 اختيارات.
- الاختيارات الغلط تكون مبنية على أخطاء حقيقية بيقع فيها الطلاب في الدرس ده، مش اختيارات باين إنها غلط.
- رتّب الأسئلة من الأسهل للأصعب.
- اعمل نسختين (نموذج أ ونموذج ب): نفس الأسئلة، بس ترتيب الأسئلة وترتيب الاختيارات مختلف.
- في الآخر: جدول الإجابات للنموذجين.

نص الدرس أو أهم نقطه:
[الصق هنا]

انت مدرس [المادة] متخصص في امتحانات [الشهادة الإعدادية / الثانوية العامة / امتحانات النقل] في مصر.
اكتب 10 أسئلة على درس «[اسم الدرس]» بنفس أسلوب وصياغة الامتحان الرسمي للمادة.

شكل الامتحان الرسمي زي ما انا عارفه:
[اوصفه: عدد أسئلة الاختيار من متعدد، عدد الأسئلة المقالي، الدرجات، أي أنواع أسئلة بتتكرر]

المطلوب:
- 10 أسئلة بنفس التوزيع والصياغة.
- جنب كل سؤال: الدرجة، والمهارة اللي بيقيسها (تذكر، فهم، تطبيق، تحليل).
- نموذج إجابة في الآخر، موضّح فيه كل درجة بتروح على أنهي جزء من الإجابة، زي التصحيح الرسمي.

نص الدرس:
[الصق هنا]

انت مدرس [المادة] لطلاب [الصف/المرحلة] وبتبني بنك أسئلة.
اكتب 20 سؤال اختيار من متعدد على درس «[اسم الدرس]».

لكل سؤال:
- نص السؤال.
- 4 اختيارات (أ، ب، ج، د)، واحد بس صح.
- الإجابة الصح، وسطر يشرح ليه هي صح.
- سطر يقول الطالب اللي اختار أشهر إجابة غلط، غالباً فهم إيه غلط.
- مستوى الصعوبة: سهل / متوسط / صعب.

وزّع الصعوبة: 8 سهل، 8 متوسط، 4 صعب. ما تكررش نفس الفكرة في سؤالين.
اعرض النتيجة في جدول عشان أقدر أنسخه في Excel أو Google Sheets.

نص الدرس:
[الصق هنا]

انت مدرس [المادة] لطلاب [الصف/المرحلة]، وعايز تتحدى الطلاب المتفوقين.
اكتب 5 أسئلة تفكير على درس «[اسم الدرس]» محتاجة فهم مش حفظ:

1. سؤال «ماذا يحدث لو...».
2. سؤال «علّل» بفكرة مش مكتوبة صريحة في الكتاب.
3. سؤال بيربط الدرس ده بدرس «[اسم درس اتشرح قبل كده]».
4. سؤال فيه موقف من الحياة اليومية، والطالب يطبّق عليه القاعدة.
5. سؤال فيه معلومة غلط، والطالب يكتشفها ويصححها.

لكل سؤال: الإجابة النموذجية، والفكرة اللي السؤال بيختبرها في سطر.
لازم كل الأسئلة تكون في حدود منهج [الصف/المرحلة]، ومحلولة بمعلومات الطالب بس.

انت مصحح [المادة] لطلاب [الصف/المرحلة].
السؤال: [اكتب السؤال]
الدرجة النهائية: [الدرجة]
نموذج الإجابة: [اكتب نموذج الإجابة، أو النقط اللي عليها درجات]
إجابة الطالب: [الصق إجابة الطالب، أو ارفع صورتها من غير اسمه]

المطلوب:
1. الدرجة المقترحة، وتوزيعها على نقط نموذج الإجابة.
2. اللي الطالب كتبه صح، في سطر.
3. اللي ناقص أو غلط، في سطر أو اتنين.
4. نصيحة واحدة يحسّن بيها إجابته الجاية، بأسلوب مشجع.

لو خط الطالب مش واضح في الصورة، قولّي الكلمات اللي مش مقروءة بدل ما تخمّنها.

انت مدرس [المادة] صبور وشاطر في التبسيط، وبتشرح لطالب [الصف/المرحلة] مستواه ضعيف في المادة.
اشرح درس «[اسم الدرس]» كأنك قاعد جنبه:

- ابدأ بالفكرة الأساسية في جملتين، بكلام بسيط من غير مصطلحات.
- بعدين قدّم المصطلحات العلمية واحد واحد، وكل مصطلح معاه معناه بكلام سهل.
- قسّم الشرح لخطوات صغيرة، وبعد كل خطوة سؤال صغير يتأكد بيه الطالب إنه فهم.
- استخدم مثال واحد من الحياة اليومية في مصر.
- في الآخر: ملخص في 3 نقط.

اكتب بعربي بسيط، وممكن تستخدم عامية مصرية خفيفة في الشرح، بس المصطلحات تفضل زي الكتاب بالظبط.

نص الدرس:
[الصق هنا]

انت مدرس [المادة] لطلاب [الصف/المرحلة] في مصر.
عايز 8 أمثلة من حياة الطالب اليومية توضّح فكرة «[الفكرة أو القاعدة]» في درس «[اسم الدرس]».

الأمثلة تكون من حاجات الطالب المصري بيشوفها فعلاً: البيت، المدرسة، المواصلات، الموبايل، الكورة، السوق، المطبخ.
لكل مثال:
- الموقف في سطر أو اتنين.
- الفكرة العلمية باينة فيه إزاي.
- سؤال صغير أسأله للطلاب في الحصة على المثال ده.

اتأكد إن كل مثال صح علمياً. ولو في مثال مشهور بس فيه تبسيط ممكن يفهّم الطالب غلط، نبّهني عليه.

انت مدرس [المادة] شاطر في التشبيهات.
فكرة «[الفكرة الصعبة]» في درس «[اسم الدرس]» طلاب [الصف/المرحلة] بيلاقوا صعوبة في فهمها.

اكتبلي 5 تشبيهات مختلفة توصّل الفكرة دي، ولكل تشبيه:
- التشبيه نفسه في جملتين.
- إيه اللي بيتشابه بالظبط بين التشبيه والفكرة.
- حدود التشبيه: إيه اللي ممكن يفهّم الطالب غلط لو أخده على طول.

بعد كده اختار أحسن تشبيه فيهم، واكتبلي هقوله إزاي في الحصة في دقيقة.

انت مدرس [المادة] خبرة سنين مع طلاب [الصف/المرحلة].
اكتبلي أشهر 8 أخطاء بيقع فيها الطلاب في درس «[اسم الدرس]»، سواء في الفهم أو في الحل أو في طريقة الإجابة في الامتحان.

لكل غلطة:
- الغلطة زي ما الطالب بيكتبها أو بيفكر فيها.
- ليه بيقع فيها.
- الصح إيه.
- سؤال قصير يكشف لو الطالب لسه بيقع في الغلطة دي.

رتّبهم من الأكتر انتشاراً للأقل.

انت مدرس [المادة] لطلاب [الصف/المرحلة].
حل السؤال ده خطوة بخطوة بالطريقة اللي بتتشرح بيها في المنهج المصري:
[اكتب السؤال أو ارفع صورته]

- اكتب المعطيات والمطلوب الأول.
- كل خطوة في سطر لوحدها، ومعاها سطر قصير «ليه عملنا كده».
- لو في قانون أو قاعدة، اكتبها قبل ما تعوّض فيها.
- في الآخر: الإجابة النهائية، وبالوحدة لو فيه وحدة.
- بعد الحل: سؤال شبهه بأرقام أو معطيات مختلفة للطالب يحله لوحده، ومعاه الإجابة النهائية بس.

راجع الحسابات مرتين قبل ما تكتب الإجابة النهائية.

انت مدرس [المادة] لطلاب [الصف/المرحلة].
لخّص درس «[اسم الدرس]» في صفحة واحدة (حوالي 300 كلمة) يقدر الطالب يذاكر منها.

- عنوان رئيسي، وتحته من 4 لـ 6 عناوين فرعية.
- تحت كل عنوان نقط قصيرة، كل نقطة سطر.
- التعريفات والقوانين بخط عريض، كل واحدة في سطر لوحدها.
- في الآخر: «خلي بالك» وفيها غلطتين بيقع فيهم الطلاب في الدرس ده.

اعتمد على النص اللي تحت بس، وما تضيفش معلومات من برّه المنهج.

نص الدرس:
[الصق هنا]

انت مدرس [المادة] بتجهّز طلاب [الصف/المرحلة] لامتحان [الشهر / آخر الترم].
من «[اسم الدرس أو الوحدة]»، طلّعلي أهم 10 نقط الطالب لازم يراجعها ليلة الامتحان.

- رتّبهم حسب أهميتهم في الامتحان.
- كل نقطة جملة أو جملتين بالكتير.
- جنب كل نقطة: نوع السؤال اللي بييجي عليها (تعريف، تعليل، مقارنة، مسألة، اختيار من متعدد).
- في الآخر سطر: أكتر حاجة الطلاب بينسوها في الامتحان في الجزء ده.

المحتوى:
[الصق نص الدرس أو الوحدة]

انت مدرس [المادة] لطلاب [الصف/المرحلة].
اعمل خريطة ذهنية لدرس «[اسم الدرس]».

الشكل:
- الفكرة الرئيسية في الأول.
- من 4 لـ 6 فروع رئيسية، وتحت كل فرع من 2 لـ 4 نقط.
- كل نقطة من كلمتين لـ 5 كلمات بس.
- اكتبها شجرة نصية بمسافات وعلامة (-) عشان الفروع تبان.

بعدها اكتب نفس الخريطة بكود Mermaid من نوع mindmap، من غير أقواس أو رموز جوّه النصوص، عشان أحوّلها لرسمة.

نص الدرس:
[الصق هنا]

انت مدرس [المادة] لطلاب [الصف/المرحلة].
الطلاب بيلخبطوا بين «[المفهوم الأول]» و«[المفهوم التاني]» في درس «[اسم الدرس]».

اعملّي جدول مقارنة بينهم:
- من 5 لـ 8 أوجه مقارنة مناسبة للمادة (مثلاً: التعريف، القانون أو القاعدة، الوحدة، مثال، الاستخدام).
- كل خانة كلام قصير.
- تحت الجدول: جملة واحدة سهلة تساعد الطالب يفتكر الفرق.
- وبعدها 3 أسئلة اختيار من متعدد تختبر الفرق ده، وإجاباتها.

انت مدرس [المادة] لطلاب [الصف/المرحلة].
حوّل درس «[اسم الدرس]» لـ 20 بطاقة مراجعة (Flashcards).

- كل بطاقة: سؤال قصير، وإجابته في سطر واحد.
- غطّي التعريفات والقوانين والتعليلات والمقارنات المهمة.
- اعرضهم في جدول بعمودين: «السؤال» و«الإجابة»، عشان أطبعهم أو أحطهم في Quizlet.

نص الدرس:
[الصق هنا]

انت مدرس [المادة] خبرة، وبتحضّر حصة مدتها [المدة بالدقايق] لطلاب [الصف/المرحلة] عن «[اسم الدرس]».
عدد الطلاب: [العدد]، والحصة [في سنتر / أونلاين / في المدرسة].

اكتبلي خطة الحصة في جدول: الوقت بالدقيقة، اللي هعمله، اللي الطلاب هيعملوه.
لازم الخطة يكون فيها:
- أول 5 دقايق تشد الطلاب (سؤال أو موقف).
- مراجعة سريعة على الدرس اللي فات.
- الشرح متقسّم لأجزاء، وبعد كل جزء سؤال أو تمرين قصير.
- 10 دقايق تدريب يحل فيها الطلاب لوحدهم.
- آخر 5 دقايق: تلخيص وواجب.

وفي الأول: أهداف الحصة في 3 نقط (الطالب بعد الحصة يقدر...).

انت مدرس [المادة] لطلاب [الصف/المرحلة]، ترم [أول/تاني].
عندي [عدد الأسابيع] أسبوع، و[عدد الحصص] حصة في الأسبوع، مدة الحصة [المدة].
الدروس المقررة:
[اكتب أو الصق فهرس الدروس]

اعملّي خطة توزيع في جدول: الأسبوع، الحصة، الدرس، نوع الحصة (شرح، حل، مراجعة، امتحان).
- حصة مراجعة وامتحان بعد كل [3 أو 4] أسابيع.
- الدروس الطويلة أو الصعبة تاخد حصتين.
- آخر [عدد] أسابيع للمراجعة النهائية.
- لو الوقت مش كفاية، قولّي أنهي دروس ممكن تتدمج مع بعض.

انت مدرس [المادة] شاطر في شد انتباه الطلاب.
اقترح 5 أنشطة مختلفة لأول 5 دقايق في حصة «[اسم الدرس]» لطلاب [الصف/المرحلة].

الأنشطة لازم:
- ما تحتاجش أدوات غير السبورة أو الموبايل.
- تنفع في [سنتر فيه 50 طالب / حصة أونلاين / مجموعة صغيرة].
- تمهّد للدرس الجديد أو تراجع على اللي فات.

لكل نشاط: اسمه، هعمله إزاي بالظبط، والجملة اللي هقولها للطلاب أول ما أبدأ.

انت مدرس [المادة] بتجهّز طلاب [الصف/المرحلة] للامتحان.
فاضل [عدد الأيام] يوم على امتحان [آخر الترم / الشهادة].
الوحدات أو الدروس المطلوبة:
[اكتبهم]
أصعب أجزاء على الطلاب السنة دي: [اكتبهم]

اعملّي خطة مراجعة يوم بيوم في جدول: اليوم، الدرس، المطلوب من الطالب (مذاكرة، حل، امتحان تجريبي)، الوقت المتوقع.
- الأجزاء الصعبة تاخد وقت أكتر وتتراجع مرتين.
- امتحان تجريبي شامل قبل الامتحان بـ [عدد] أيام.
- آخر يوم مراجعة خفيفة بس.
- اكتبها بأسلوب أقدر أبعته للطلاب مباشرة.

انت مدرس [المادة] لطلاب [الصف/المرحلة].
عملت امتحان على [الوحدة أو الدروس]، ودي النتايج من غير أسماء:
[الصق رقم كل سؤال ونسبة الطلاب اللي غلطوا فيه، أو اوصف الأخطاء اللي اتكررت]

المطلوب:
1. حلّل النتايج: أنهي أفكار مش واضحة عند أغلب الطلاب.
2. خطة علاجية في حصتين: هعيد شرح إيه، وبطريقة مختلفة إزاي عن المرة الأولى.
3. 5 أسئلة تدريب لكل فكرة ضعيفة، من الأسهل للأصعب.
4. رسالة قصيرة للطلاب تشجعهم، من غير ما تحسسهم إنهم فشلوا.

انت مدرس [المادة] لطلاب [الصف/المرحلة]، وبتبدأ مجموعة جديدة الترم ده.
اكتب رسالة واتساب لأولياء الأمور، بالعامية المصرية المحترمة، فيها:
- ترحيب في سطرين.
- مواعيد الحصص: [المواعيد]، والمكان: [المكان / أونلاين].
- هتابع الطالب إزاي: [امتحان كل أسبوع / تقرير شهري / ...].
- المطلوب من الطالب: [الكشكول، الملزمة، الواجب].
- طريقة التواصل معاك، والمواعيد اللي بترد فيها.

الرسالة ما تزيدش عن 120 كلمة، ومن غير مبالغة أو وعود بدرجات.

انت مدرس [المادة] بتكتب تقرير شهري لولي أمر طالب في [الصف/المرحلة].
بيانات الطالب الشهر ده:
- الحضور: [حضر كام حصة من كام]
- درجات الامتحانات: [الدرجات]
- الواجبات: [اتسلّم كام من كام]
- ملاحظاتي: [نقط قوة، نقط محتاجة شغل، سلوكه في الحصة]

اكتب رسالة واتساب لولي الأمر بالعامية المصرية المحترمة:
- ابدأ بحاجة إيجابية حقيقية من البيانات.
- بعدين النقط اللي محتاجة تحسين، بوضوح ومن غير تجريح.
- اقتراح عملي واحد أو اتنين البيت يقدر يساعد بيهم.
- ما تزيدش عن 100 كلمة، واكتب [اسم الطالب] مكان الاسم.

انت مدرس [المادة]، وطالب في [الصف/المرحلة] [غاب [عدد] حصص / مش بيسلّم الواجب / مستواه نازل في آخر امتحانين].
اكتب رسالة واتساب لولي أمره بالعامية المصرية المحترمة:
- هادية ومن غير لوم، الهدف إننا نتعاون مش نشتكي.
- فيها المعلومة بالظبط: [التواريخ أو الدرجات].
- اسأل لو في سبب أو ظرف نعرفه.
- اقترح خطوة واضحة: [حصة تعويض / ميعاد مكالمة / متابعة الواجب يومياً].
- 80 كلمة بالكتير.

اكتب نسختين: واحدة رسمية شوية، وواحدة أخف.

انت مدرس [المادة]، وطالب في [الصف/المرحلة] جاب [الدرجة] في [الامتحان]، وده [تحسن عن الشهر اللي فات / من أعلى درجات المجموعة].
اكتب رسالة قصيرة لولي الأمر بالعامية المصرية المحترمة:
- تهنئة حقيقية مش كلام محفوظ.
- اذكر حاجة محددة الطالب عملها وفرقت معاه: [التزام، أسئلته في الحصة، تحسن في جزء معين].
- اشكر البيت على المتابعة.
- جملة عن الخطوة الجاية.
- 60 كلمة بالكتير.

انت مدرس [المادة] محترف وهادي.
ولي أمر طالب في [الصف/المرحلة] بعتلي الرسالة دي:
«[الصق رسالة ولي الأمر من غير أسماء]»

اللي حصل فعلاً من ناحيتي: [اكتب الحقيقة من وجهة نظرك]

اكتب رد واتساب بالعامية المصرية المحترمة:
- ابدأ بإنك فاهم قلقه، من غير ما تعتذر عن حاجة مش غلطك.
- وضّح اللي حصل بالحقائق في جملتين.
- اقترح حل أو خطوة جاية واضحة.
- اعرض مكالمة لو الموضوع محتاج.
- ما يزيدش عن 100 كلمة، ومن غير أي نبرة دفاعية.

انت كاتب محتوى بيفهم في التسويق للمدرسين في مصر.
اكتب بوست فيسبوك لإعلان [مجموعة جديدة / كورس أونلاين / حصة مراجعة] لمادة [المادة]، [الصف/المرحلة].
التفاصيل:
- المواعيد: [المواعيد]
- المكان: [المكان / أونلاين]
- السعر: [السعر]
- اللي بيميّز طريقتي: [مثلاً: امتحان كل أسبوع، ملزمة، متابعة مع ولي الأمر]
- طريقة الحجز: [رقم واتساب / لينك]

البوست:
- أول سطر يوقّف طالب أو ولي أمر بيقلّب في الفيد.
- بالعامية المصرية، وجمل قصيرة.
- من غير وعود بدرجات ومن غير مبالغة.
- ينتهي بخطوة حجز واضحة.

اكتب 3 نسخ، كل نسخة بأول سطر مختلف.

انت مسؤول سوشيال ميديا لمدرس [المادة] لطلاب [الصف/المرحلة] في مصر.
الشهر ده [اسم الشهر]، والطلاب في مرحلة [أول الترم / قبل امتحان الشهر / مراجعة نهائية].

اقترح 12 فكرة بوست للشهر، متنوعة بين: نصيحة مذاكرة، سؤال تحدي، غلطة شائعة، كواليس الحصة، رد على سؤال بيتكرر، إعلان.
لكل فكرة: عنوان البوست، أول سطر فيه، ونوعه (صورة، كاروسيل، فيديو قصير، نص).
اعرضهم في جدول متوزعين على أسابيع الشهر.

انت كاتب سكريبتات فيديوهات قصيرة لمدرسين في مصر.
اكتب سكريبت ريل 30 ثانية لمدرس [المادة] لطلاب [الصف/المرحلة] عن: [الفكرة، مثلاً: غلطة بيقع فيها أغلب الطلاب في درس كذا].

الشكل:
- أول 3 ثواني: جملة تخلّي الطالب يوقف السكرول.
- من الثانية 3 لـ 25: المعلومة أو الحل في 3 نقط قصيرة.
- آخر 5 ثواني: دعوة واضحة (تابع، اكتب تعليق، احجز).
- جنب كل جزء: الكلام اللي هيتقال، والكلام اللي يظهر مكتوب على الشاشة.
- بالعامية المصرية، وجمل تتقال بسهولة قدام الكاميرا.

انت كاتب محتوى بيكتب صفحات بيع لكورسات أونلاين للطلاب في مصر.
اكتب وصف لكورس «[اسم الكورس]» لمادة [المادة]، [الصف/المرحلة].
البيانات:
- محتوى الكورس: [عدد الفيديوهات، الملازم، الامتحانات، المدة]
- السعر وطريقة الدفع: [اكتب]
- الكورس مناسب لمين، ومش مناسب لمين: [اكتب]

المطلوب:
1. عنوان قصير وجملة تحته.
2. الطالب هيطلع بإيه، في 5 نقط واضحة.
3. محتوى الكورس بالتفصيل.
4. 6 أسئلة متكررة وإجاباتها (الكورس متاح لحد إمتى، ينفع على الموبايل، لو فاتني فيديو، الدفع إزاي، ...).

بالعامية المصرية المحترمة، ومن غير مبالغة أو وعود مش حقيقية.